3(38                TESTAMENTS ENREGISTRÉS AU PARLEMENT DE PARIS            (608)
Item, à l'euvre et fabrique de Nostre Dame de Paris quatre frans.
Item, à l'Ostel Dieu de Paris, pour estre acompaignié aux messes, Charitez et biensfaiz du dit lieu, dix frans, desquelx l'office de la prieuse aura la moitié.
Item, ung franc à chascune des quatre ordres Mendians de Paris, pour estre à ses vigiles.
Item, aux Quinze Vins, Filles Dieu et autres povres colleges de Paris qui ont acoustumé d'aller à vigiles de Trespassez, à chascun col­lege cinq solz Parisis, pourveu qu'ilz seront à ses obseques et diront chascun vigiles par la maniere qu'il est acoustumé de faire à Paris en tel cas, ou les diront en leurs eglises et hostelx, se mieulx semble à ses executeurs.
Item, aux povres ladres de la maladrerie de Saint Germain des Prez quatre frans.
Item, il laissa à Gauchier, son nepveu, filz de feu Estienne son frere, dix livres Tournois.
Item, à Martinette., fille du dit Gauchier, qui a demeuré avecques Jehan d'Aunay et Jehanne sa fille, quarante livres Tournoiz par lui promises au traictié de son mariage et cent solz Parisis encores après sa mort.
Item, il laissa à Thevenin, filz du dit Gauchier, qu'il â fait aprendre a mestier de chaucetier et drapier à ses despens, dix frans, et cent solz Tournois qu'il lui a prestez pour aidier à paier sa raençon des Ar-mignas, et la meilleur de ses houppellandes courtes à tout la four-reure, le chapperon de mesmes, et son roman d''Alixandre pour esbatre et aprendre à lire.
Item, à Jehan son frere, filz du dit Gauchier, qu'il a tenu à l'escole à ses despens, pour le faire encore aprendre après son trespas, vint frans.
Item, lui laissa encore son livre de la Somme au Breton, ses Epislres de Pierre de Blois et de Vinéis et son petit papier de Prothocoles, et lui enjoint qu'il y adjousté les autres lettres qui sont en l'autre gros papier, qu'il volt que on lui preste pour les y escrire.